Byrjað að selja í Herjólf...

... já núna er hægt að kaupa miða í herjólf restina af þessu ári. Ég er búin að bóka okkar ferð, þannig að það er frágengið.
Annars er ég bara búin að liggja í einhverri pest sem er ekkert allt of gaman, hundleiðist hérna heima.
Svo var hringt í mig í gær frá verkstæðinu og þeir bara gleymdu að hringja á föstudaginn en bílinn átti að koma til þeirra í gær. Einar fór með hann þegar hann var búinn að vinna, alveg haugskítugan, en ekki við öðru að búast þegar það er hringt með 3 tíma fyrirvara og fólk að vinna. Bílaleigubíll beið á staðnum nema að það var 2 dyra Yaris, hahaha. Venjan er nú sú að fá bíl í svipaðri stærð og maður á sjálfur, alltilagi að fá bara yaris, en hvernig væri nú að fá allavega 4 dyra. Ég sé Einar í anda vera að festa bílstólinn þarna afterí.
Annars er bara mjög fátt að frétta, við Einar erum að fara í smá dekur í Laugum næstu helgi, fengum í innflutningsgjöf frá Höllu og Víði. Svo styttist óðum í yndislega helgarferð til London.